Tuloy ang one-time big-time operations ng PNP o Philippine National Police laban sa mga sindikato ng droga sa bansa.
Sa kabila ito ng kabi-kabilang batikos na inabot ng pambansang pulisya matapos mapatay ng mga tauhan ng Caloocan City PNP ang isang binatilyong iniuugnay sa iligal na droga.
Ayon kay Philippine National Police Chief Director General Ronald ‘Bato’ Dela Rosa, hindi dapat huminto ang mga pulis sa pagdurog sa mga taong nasa likod ng pagpapakalat ng droga sa bansa.
Kasabay nito, hinamon din ni Dela Rosa ang kanyang mga kritiko na batikusin din ang mga nasa likod ng mga iligal na gawain sa bansa gaya ng mga drug lord.
