Muling bubuksan ng Kamara ang imbestigasyon nito kaugnay sa kontrobersyal na bakuna sa Dengue ng DOH o Department of Health na Dengvaxia.
Ito ay makaraang isiwalat ng Sanofi Pasteur na posibleng magdulot ng masamang epekto ang Dengvaxia sa mga nabakunahan nito na hindi pa nagkakaroon ng Dengue.
Ayon kay House Committee on Good Government and Public Accountability Chairman Johnny Pimentel , itinakda nila ang pagdinig sa December 13.
Nabatid na huling isinagawa ang imbestigasyon kaugnay sa Dengue vaccination program ng DOH nuong Disyembre ng nakaraang taon kung saan inirekomenda ng health committee na ipagpaliban muna ito.
Inaasahan namang dadalo sa pagdinig ang mga kinatawan mula sa DOH ; World Health Organization; at Sanofi Pasteur.
