Nagwagi sa NBA regular season kagabi ang Denver Nuggets kontra Boston Celtics sa iskor na 123-111 na ginanap sa Ball Arena, Denver Colorado.
Tinambakan ng Nuggets ang Celtics sa una at ikatlong quarter habang halos magdikit naman ang iskor ng dalawang team sa pangalawa at panghuling quarter.
Nanguna sa koponan si Nikola Jokic na nakapagtala ng 30 points, 12 rebounds at 12 assists dahilan ng kanilang pakapanalo.
Abangan naman bukas ang susunod na laban ng Nuggets, kung saan kanilang makakaharap ang Minnesota Timberwolves, alas-9 ng umaga, oras sa Pilipinas.
