Pinakukumpiska na ng Department of Agriculture (DA) sa Bureau of Plant Industry ang smuggled at misdeclared na mga gulay.
Ayon kay DA Secretary, William Dar, dapat na managot ang sangkot sa misdeclaration at hingan ng paliwanag kung bakit hindi dumaan sa tamang proseso ang pagpasok ng mga gulay katulad ng carrots.
Ayon kay Dar, walang inisyu na permit o phytosanitary import clearance para sa mga carrots, luya, at repolyo.
Sa ngayon patuloy pang iniimbestigahan ang naturang insidente. —sa panulat ni Angelica Doctolero
