Inihayag ng Department of Education (DEPED) na mas mababa sa 20 ang natanggap nilang reklamo hinggil sa biktima ng pang-aabuso sa mga eskwelahan.
Ayon kay DEPED Spokesperson Michael Poa, nakikipag-ugnayan na sila sa iba pang opisyal para maglunsad ng imbestigasyon sa mga napaulat na kaso.
Dagdag pa niya, ang usaping ito ay magiging pribado na sasaklaw din sa physical at verbal abuse sa mga estudyante.
Dahil dito, naglabas ang education department ng bagong email at hotline kasunod ng mga akusasyon ng panghaharass ng pitong guro sa mga estudyante sa Bacoor, Cavite. – sa panulat ni Hannah Oledan
