Binalaan ng Department of Education ang publiko na huwag basta maniwala sa mga kumakalat na balita sa “Walangpasok” advisories sa social media.
Ito’y makaraang kumalat ang “Walangpasok advisory” facebook page na nag-aanunsyo na walang klase sa November 23, 24 at 27 na inanunsyo umano ng DEPED.
Ayon sa DEPED, wala silang kaugnayan sa nabanggit na Facebook page at hindi rin sila nag-anunsyo na walang klase sa mga nasabing petsa.
Makikita lamang ang beripikadong announcements sa official website ng kagawaran, Facebook at Twitter accounts nito na Depedphillippines at Deped_ph.
