Siniguro ng Department of Education o DepEd na ang aktwal na pagpapatupad ng face-to-face classes ay ibabatay sa kasalukuyang sitwasyon ng mga paaralan.
Ayon kay Education Secretary Leonor Briones, dapat nilang tiyakin na may tubig ang bawat paaralan at ang suporta ng mga lokal na pamahalaan sakaling magkaroon ng problema.
Aniya, halos pareho lamang ang mga alituntunin sa nasabing in-person classes sa mga lugar na nasa ilalim ng Alert level 1 at 2 dahil ang mga ito ay may katulad na sitwasyon.
Hindi naman pinapayagang magsagawa ng face-to-face classes ang mga paaralan sa ilalim ng Alert level 3. – Sa panulat ni Airiam Sancho
