Patay ang Deputy Commissioner ng Bureau of Customs (BOC) na si Arturo Lachica habang sugatan naman ang driver bodyguard nito nang tambangan ng mga hindi pa tukoy na mga suspek sa lungsod ng Maynila kagabi.
Dead on arrival na nang isugod sa United Doctors Medical Center si Lachica na nagtamo ng dalawang tama ng bala ng baril sa dibdib.
Batay sa paunang imbestigasyon ng Sampaloc Police Station, binaril si Lachica ng riding in tandem habang sakay ng kanyang kulay itim na Sedan habang binabaybay ang kahabaan ng España Boulevard.
Masuwerteng nakaligtas ang driver bodyguard ni Lachica na si Romulo de Lima na siyang nagbigay salaysay sa mga imbestigador hinggil sa nangyaring krimen.
By Jaymark Dagala | Jopel Pelenio (Patrol 17)
