Nagbitiw na sa kanyang tungkulin si Deputy Customs Commissioner Gerardo Gambala.
Si Gambala ay isa sa mga pinangalanan ni Senador Panfilo Lacson na dawit umano sa korupsyon sa Aduana.
Ayon kay Customs Commissioner Isidro Lapeña, naghain na ng irrevocable resignation si Gambala.
Pangunahing dahilan ni Gambala ay nais umano nitong magkaroon ng mas maraming oras sa pamilya.
Una rito, itinanggi ni Gambala na tumatanggap ito ng suhol sa Bureau of Customs o BOC.
(Ulat ni Aya Yupangco)
