Arestado ang Deputy Police Chief ng Balayan, Batangas matapos mahuling nangingikil sa pamamagitan ng entrapment operation.
Nanghihingi umano si Captain Ruben Marilag ng protection money na nagkakahalagang P2,000 mula sa operator ng loteng, isang illegal numbers game.
Ayon sa biktima, patuloy itong hinihingian ni Marilag ng pera kahit na itinigil na nito ang operasyon ng loteng noong marso ng nakaraang taon.
Nakakulong ngayon si Marilag sa integrity monitoring and enforcement group headquarters sa camp-crame para sa kasong robbery-extortion. - sa panunulat ni Hannah Oledan
