Kinumpirma ng Malakaniyang na pinaplantsa na ang mga magiging detalye ng makasaysayang pagbisita sa bansa ni Russian President Vladimir Putin.
Ayon kay Presidential spokesman Atty. Salvador Panelo, mismong si Russian Ambassador to the Philippines Igor Khovaev ang siyang nagpabatid nito sa kanila.
Gayunman, hindi masabi ni Panelo kung si Pang. Rodrigo Duterte ang nag-imbita kay President Putin matapos ang kaniyang pagbisita sa Kremlin kamakailan.
Pero binigyang diin ng kalihim na ang pagbisitang ito ng Russian President ay malinaw na indikasyon ng pinaigting na relasyon sa pagitan ng dalawang bansa.
