Pinakalma ng Department of Foreign Affairs (DFA) ang mga pilipino sa Ukraine kasunod ng nagbabadyang kaguluhan doon sa pagitan ng Russia.
Ayon kay Foreign Affairs Secretary Teodoro Locsin Jr., gumagawa na siya ng paraan upang ligtas na mapalikas ang mga pilipino roon.
Nasa Cambodia ngayon ang kalihim para sa ASEAN Foreign Ministers meeting na magaganap sa loob ng dalawang araw at pagkatapos ay magtutungo sa Paris.
Hanggang nitong Martes ng gabi, nakikipag-ugnayan na ang DFA sa European Union para sa paglilikas ng lahat ng mga pilipino sa nasabing bansa. —sa panulat ni Abby Malanday
