Kinumpirma ng Department of Foreign Affairs o DFA na walang Pilipinong nadamay sa pag-crash ing isang eroplano sa Russia.
Sinabi ni DFA Assistant Sec. Charles Jose, Tagapagsalita ng DFA na wala silang natatanggap na ulat hinggil sa nasugatan o nasawing pinoy sa aksidente.
Ang nasabing eroplano kasi ay nagmula sa Dubai at pabalik sana ng Russia nang mag-crash ito sa hindi pa matukoy na kadahilanan.
Pero ilan sa mga tinitingnang sanhi ng mga awtoridad ay ang crew error, technical failure at ang masamang lagay ng panahon.
Mahigit sa 60 katao ang nasawi sa plane crash kung saan karamihan sa mga ito ay mga pasahero habang 7 naman ang pawang mga crew member.
By: Allan Francisco
