Walang Filipino na kabilang sa mga nasawi sa pagbagsak ng dambuhalang construction crane sa loob ng grand mosque sa Meccah, Saudi Arabia.
Ito ang kinumpirma sa DWIZ ni Assistant Sec. Charles Jose, tagapagsalita ng Department of Foreign Affairs o DFA batay na rin sa natanggap nilang ulat mula sa konsulada ng Pilipinas sa Jeddah.
Batay sa pinakahuling tala, pumalo na sa 107 ang bilang ng mga nasawi habang 238 ang sugatan sa nangyaring insidente.
Nakatakdang dumagsa sa Mecca ang milyun-milyong Muslim sa Setyembre 21 kasabay ng pagdiriwang ng Eid’l Adha
“Wala pong Filipno na nasaktan o namatay sa pagbasak ng crane sa Mecca, kumpirmado na po ito ng ating consulate. May mga Filipino po sa lugar na iyon pero sa kabutihang palad, hindi po sila nasaktan,” paliwanag ni Jose.
By: Jaymark Dagala
