Tiniyak ng Department of Foreign Affairs (DFA) na nakikipag-ugnayan ang Philippine Embassy sa Peru kaugnay sa tatlong Pilipinong na-stranded dahil sa kilos-protesta sa nasabing bansa.
Ayon kay DFA Spokesperson Maria Teresita Daza, isa sa mga Pinoy ang kasalukuyan ng nasa Lima, Peru habang ang isa ay naghihintay na lamang ng flight mula sa Cusco patungong Lima.
Na-stranded naman ang Pinoy na kapitan ng barko sa lungsod ng Arequipa at naka-schedule sa Disyembre 21 ang kanyang flight.
Samantala, mahigit 160 ang mga Overseas Filipino Workers sa Peru. —sa panulat ni Jenn Patrolla
