Nilinaw ng Department of Foreign Affairs o DFA na hindi pa ito nag-iisyu ng anumang advisory sa mga Pinoy na nasa Gitnang Silangan.
Ginawa ng DFA ang pahayag sa gitna na rin ng nagaganap na tensiyon sa pagitan ng Saudi Arabia at Iran kung saan nakikisali na rin ang iba pang mga bansa gaya ng Syria at Yemen.
Ayon kay DFA Spokesperson Assistant Secretary Charles Jose, wala pa silang inilalabas na abiso.
Subalit, sa kabila nito ay tiniyak ng opisyal na minomonitor nila ang sitwasyon doon upang matiyak ang kaligtasan ng mga OFW sa naturang bansa.
By Jelbert Perdez | Allan Francisco
