Walang naitalang bagong kaso ng coronavirus disease 2019 (COVID-19) sa hanay ng mga Pilipino sa labas ng bansa nitong nakalipas na 24 oras.
Batay sa pinakahuling case bulletin, walang iniulat ang Department of Foreign Affairs (DFA) na bagong fatality at recoveries sa ibayong dagat.
Dahil dito, nananatili sa 11,522 ang confirmed cases habang 830 pa rin ang death toll.
Maging ang total recoveries ay nakapako sa 7,461 habang nasa 3,231 na mga pasyenteng Pinoy na lamang ang kasalukuyang sumasailalim sa gamutan o ‘yung mga itinuturing na active cases.
