Ipinahiwatig ni Senadora Grace Poe na wala itong balak na makipag-tandem kay Vice President Jejomar Binay para sa 2016 Presidential election.
Ito’y makaraang igiit ni Poe na magkaiba sila ng Bise Presidente pagdating sa paninilbihan sa bayan.
Iginiit ni Poe na para sa kanya ay katapatan at pagiging bukas upang mabusisi at makita ng taumbayan ang ginagawa nilang paggampan ng tungkulin.
Ang pahayag ay tugon ni Poe sa pahayag ng kampo ni Binay na umaasa silang magiging running mate siya ng Bise Presidente sa 2016 elections.
By Meann Tanbio | Cely Bueno (Patrol 19)
