Nakatakdang bumalik sa paggawa ng pelikula ang Diamond Star na si Maricel Soriano matapos ang kanyang dalawang taong pamamahinga.
Kabilang si Maricel sa pelikulang “My Two Mommies” ng Regal Films na pinagbibidahan ni Paolo Ballesteros.
Sa katunayan ay nagsimula na si Maricel para sa shooting kasama sina Paolo at co-star na si Dianne Medina.
Gaganap ang Diamond Star bilang “Tita Baby” sa pelikula sa direksyon ni Eric Quizon.
Taong 2016 pa huling napanood sa “Lumayo Ka Nga Sa Akin” ng VIVA Films si Maricel.
Nito lamang Setyembre ng nakaraang taon nang huli namang mapanood sa telebisyon si Maricel sa “Maalaala Mo Kaya” ng ABS-CBN kasama ang si Jc De Vera.
