Wala pa sa plano ng magkasintahang Dianne Medina at Rodjun Cruz ang pagpapakasal.
Ito ay kahit pa sampung (10) taon na sila sa kanilang relasyon at kahit pa pressured na ng kaunti si Dianne dahil sa edad niyang 30.
Ayon kay Dianne, target pa nila sa ngayon ay ang makaipon at pagtuunan ng pansin ang kani-kaniyang mga career.
Pero inamin ni Dianne na kung siya ang tatanungin ay handa na siyang mag-settle down anumang oras.
Yun nga lang ay nakay Rodjun aniya ang bola kung saan ay hinihintay niya lamang itong magpropose sa kanya.
Si Dianne ay bagong pasok ngayon sa teleserye ng Kapamilya na “A Love to Last” at host din ito sa morning show ng government station na PTV 4.
By Ralph Obina
