Pinatawad na ni Hidilyn Diaz ang Malakaniyang sa pagkakasama nito sa 2019 Matrix na umano’y may mga planong patalsikin sa pwesto si Pangulong Rodrigo Duterte.
Sa isang panayam, sinabi ni Diaz na sa katunayan aniya ay pagkatapos niyang manalo ng gold medal, sinabi niya sa kaniyang sarili na kailangan niyang patawarin ang lahat ng taong nang-bash sa kaniya at nangmaliit sa kaniyang naging “down moment”.
Napagtanto din umano ni Diaz na ito ang nagpalakas sa kaniya at nagbigay ng determinasyon para mas magsumikap bilang atleta.
Dagdag ni Diaz, ang mahalaga sa kaniya ay alam niya ang totoo at meron siyang peace of mind.
