Naniniwala si dating Pangulong Rodrigo Duterte na walang kasong maisasampa sa kaniya sa International Criminal Court.
Ayon kay Vice President Sara Duterte, kumpyansa ang dating pangulo ng malakas ang kanilang legal argument.
Samantala, kinumpirma naman ng bise presidente na nasa mabuting kalagayan na ang kanyang ama.
Bagama’t hindi pa rin ganung kalakas kumain, nakakakain na anya ang kanyang ama ng kanin at madalas na ring humingi ng softdrinks.
Binigyan-diin naman ni VP Sara na patuloy pa rin ang isinasagawang monitoring ng mga doktor at nurse sa dating pangulo. —sa panulat ni Kat Gonzales
