Itinanggi ni DILG Secretary Benhur Abalos na inabandona ng national government ang Mindanao sa gitna ng pananalasa ng Bagyong Paeng.
Binigyang diin ni Abalos na ang Bangsamoro Autonomous Region in Muslim Mindanao (BARMM) ay may sariling pamahalaan at ministries na rumeresponde sa kalamidad.
Maliban dito, ang BARMM umano ay may sariling Ministry of the Interior and Local Government.
Ipinabatid pa ng DILG Chief na handa ang pamahalaan anumang oras na tumulong sa Bangsamoro Government kung kinakailangan.
Aniya, ang Department of Social Welfare and Development (DSWD) ng national government ay nakapagbigay na ng food packs sa mga apektadong rehiyon.
