Tiniyak ng Department of Interior and Local Government (DILG) na matatanggap pa rin ng mga local chief executives na sumingit sa vaccination program ng pamahalaan ang ikalawang dose ng bakuna.
Ito ang pagtitiyak ni Interior Undersecretary Epimaco Densing III sabay na sabing “swerte naman nila.”
Dagdag pa ni Densing, mahaharap sa kasong administratibo ang mga local chief executives na nag-paka-VIP at sumingit sa vaccination program ng pamahalaan oras na mabigo ang mga itong i-justify ang kanilang mga ginawa.
Nauna rito, pinadalhan ng ahensya ng show cause order ang limang mayor hinggil sa pagpapabakuna ng mga ito kahit hindi sila kabilang sa priority list na makatatanggap nito.
