Nasa maayos nang kalagayan ang stepmother at kapatid ni Talipao, Sulu Mayor Nivocadnezar Tulawie.
Nitong Miyerkoles, dinukot ng hinihinalang mga miyembro ng Abu Sayyaf sina Edelyn at Addang Tulawi sa kanilang tahanan sa barangay Kandaga Talipao, Sulu.
Kinumpirma ni Lt. Col Gerry Besana, Spokesperson ng Western Mindanao Command ang pagkaka-rescue sa dalawang biktima subalit tumanggi itong magbigay ng detalye.
Kumbinsido si Mayor Tulawie na dinukot ang kanyang mga kaanak bilang ganti sa pagsuporta niya sa kampanya ng militar laban sa Abu Sayyaf.
—-
