Inihatid na sa kanyang huling hantungan ang namayapang direktor na si Direk Maryo J. Delos Reyes.
Kaninang umaga ay i-crinemate ang labi ng direktor sa Loyola Memorial Chapel sa Commonwealth Quezon City bago ito inihatid sa Himlayang Pilipino sa Tandang Sora sa kaparehong lungsod.
Sa huling lamay kagabi, isang misa ang idinaos para sa namayapang direktor na dinaluhan ng kanyang mga kaanak, kaibigan at mga naka-trabaho sa industriya ng pelikula.
Nagbigay din ng eulogy ang ilang artista at ginawaran ng posthumous award ang namayapang direktor.
Namatay si Delos Reyes matapos atakihin sa puso noong January 27 sa edad na 65 years old.
—-
