Pumanaw na ang beteranong film director na si Maryo J. Delos Reyes sa edad na animnapu’t lima (65).
Nasa isang event sa Dipolog City, Zamboanga Del Norte si Direk Maryo kasama ang isang kaibigan nang atakihin sa puso kagabi.
Kinumpirma ng Jun Rufino, Manager ni Direk Maryo na naisugod pa ito sa ospital subalit binawian ng buhay pasado alas 10:00.
Nakilala si Direk Maryo sa mga pelikulang gaya ng “Bagets” noong 1984; “Magnifico” noong 2003 at “A Love Story” noong 2007.
Mas nakilala si Delos Reyes nang humakot ng international awards ang pelikulang “Magnifico” na pinagbidahan ng aktor na si Jiro Manio.
Wala pang opisyal na pahayag ang pamilya ni Direk Maryo sa biglaang pagpanaw nito.
