Suportado ng isang commuter’s group ang direktiba ng Department of Transportation na ibalik sa Land Transportation Franchising and Regulatory Board ang kapangyarihan sa operasyon ng mga Transport Network Companies.
Ayon kay Lawyer’s for Commuters’ Safety and Protection Founding President Atty. Ariel Inton, hindi lamang dapat regulasyon sa mga TNC’S at Transport Network Vehicle Service ang dapat pairalin kung hindi ang pagbalanse sa economic at social issues.
Giit ni inton, maka-ilang ulit niyang pinuna ang Department Order na inilabas ng nakalipas na pamunuan ng nuo’y DOTC bilang dating miyembro ng LTFRB.
Dahil mayruon nang pangil ang inilabas na kautusan ng DOTR, tiniyak ni Atty. Inton na babantayan nila ang klase ng polisiyang nais ipatupad ng ahensya sa ilalim ni Transportation Secretary Arthur Tugade.
