Sinimulan na ng ilang mga kainan at gasolinahan ang pagbibigay ng diskuwento para sa mga Pilipinong nagpabakuna na kontra COVID-19.
Ayon kay Resto.ph President Eric Teng, sinusubukan nilang i-promote na ligtas at mapagkakatiwalaan ang bakuna subalit hindi nila hinihikayat na lumabas na ang mga bakunado.
Nagbigay naman ng diskuwento ang ilang gasolinahan kung saan P3 ang bawas sa kada litro ng gasolina at P2 naman para sa diesel.
Kaugnay nito, inirekomenda ni Presidential Adviser for Entrepreneurship Joey Concepcion na gawing digital ang lahat ng vaccine cards.
Samantala, higit 1,000 na tindahan ang nakiisa sa pagbibigay ng mga discount at freebies para sa mga bakunado.