Nasungkit ng Chinese actress na si Liu Yifei o mas kilala bilang Crystal Liu ang title role sa live – action version na “Mulan”.
Ito ay kinumpirma mismo ng Disney.
Ang naturang pelikula ay nakatakdang ipalabas sa taong 2019, na naka – base sa animated feature film noong 1998 na umabot sa 300 milyong dolyar na kita worldwide.
Si Liu ay kilalang figure na bumida sa “The Forbidden Kingdom” kasama si Jackie Chan, at sa pelikulang “Outcast” kasama naman sina Nicolas Cage at Hayden Christensen.
Samantala, pagpapabatid ng Disney, abangan pa ang iba pang casting announcement ng “Mulan” sa mga susunod na linggo.
