Umarangkada na ang distribusyon ng mga plaka sa lahat ng tanggapan ng Land Transportation Office o LTO sa buong kapuluan.
Ayon kay LTO Chief Edgar Galvante, maipapamahagi na ang plaka ng mga nagparehistro mula July 1 hangang October 2016.
Upang hindi anya magkasiksikan sa mga tanggapan ng LTO, uunahin muna ang pamamahagi ng mga nakarehistro ng July, kasunod ang Agosto hanggang Oktubre.
Hiningi na rin anya nila ang tulong ng mga car dealers kung saan sila na ang kukuha ng plaka para sa mga nabentahan nila ng sasakyan.
—-
