Malabo pa ang dahilan kung bakit nagkaroon ng entry ban ang Kuwait sa mga OFW, ayon sa isang opisyal.
Sinabi ni Department of Migrant Workers Under Secretary Hans Leo Cacdac na aalamin ng kanilang ahensya ang dahilan sa ipinatupad ng OFW ban ng Kuwait.
Aniya, ang Kuwait at Pilipinas ay sanay na sa pakikipag-usap sa pagreresolba sa suliranin. May delegasyon ang DMW umano na pupunta sa Kuwait para makipag-usap.
Handang tumulong ang DMW umano sa mga apektadong OFW ng Kuwait ban. Halos 3,000 ang stranded sa Pilipinas dahil sa ban ng Kuwait sa lahat ng mga bagong Pinoy worker.
Naniniwala naman ang Department of Foreign Affairs na maisasaayos ang mga isyu sa pagitan ng Kuwait ang Pilipinas. - Sa panunulat ni Hannah Oledan
