Kaisa ang Department of National Defense sa paggunita ng sambayanang Pilipino ng ika-158 na anibersaryo ng kaarawan ni Gat. Andres Bonifacio ngayong araw.
Ayon kay Defense Sec. Delfin Lorenzana, hindi naging hadlang kay Bonifacio ang kababaan ng kaniyang estado sa buhay para mangarap at pagsikapang maging malaya ang bansa mula sa pananakop ng mga dayuhan.
Ipinakita rin ni Bonifacio ang kahalagahan ng pagmamalasakit sa bayan at kapwa sa pagganap ng tungkulin upang makamit ang iisang layunin.
Nagsilbi ring inspirasyon si Bonifacio nang ipamalas nito ang kaniyang pagsusumikap na ipaglaban ang tama at pagmamahal sa bayan sa gitna ng mga hamon na kinahaharap ng bansa tulad ng nararanasang pandemiya.—mula sa ulat ni Jaymark Dagala
