Binigyang pagkilala sa 2020 US international film and video festival ang documentary na nagpapakita ng buhay ng singer na si Jake Zyrus na una nang nakilala bilang si Charice Pempengco.
Ang dokumentaryong may titulong “Jake and Charice” ay nakatanggap ng gold camera award sa ilalim ng social issues category ng nabanggit na award-giving body.
Nakapaloob sa dokumentaryo ang buhay ni Jake Zyrus nang magmulang umamin ito sa kanyang gender preference at desisyong maging transgender man.
Pinakita rin dito ang mga kinaharap na hamon at pinagdaan ni jake bago nito matuklasan ang bagong timbre ng boses sa pagkanta.
Unang ipinalabas ang Jake and Charice documentrary sa Japan noong nobyembre ng nakaraang taon.
