Mahigpit na nakatutok ang Department of Energy (DOE) sa sitwasyon sa Saudi Arabia matapos ang drone attacks sa dalawang petroleum facility na pag-aari ng Saudi government.
Ayon kay Energy secretary Alfonso Cusi, kaagad siyang nagpatawag ng emergency meeting para pag-usapan ang posibleng epekto ng insidente sa suplay ng produktong petrolyo sa bansa.
Pinangangambahang magpataas pa sa presyo ng oil products ang naturang pag-atake.
