Umaapela ang Department of Health (DOH) at isang grupo ng mga duktor sa mga deboto ng itim na Nazareno na sa mga bahay na lamang nila gunitain ang tradisyunal na Traslacion.
Ayon sa DOH at Healthcare Professionals Aliance against COVID-19 (HPAAC), nangangamba silang maging super spreader event ang traslacion kaya’t dapat itong gunitain na lamang sa mga bahay.
Hiniling din ng DOH sa mga deboto ang pagdalo na lamang din sa online masses ng Quiapo Church bukas kung kailan itinakda ang serye ng misa via online.
Binigyang diin ng DOH at HPAAC, na mahalagang masunod ang minimum health standards upang maiwasan ang banta ng hawahan ng coronavirus kung hindi talaga maiiwasan at magpumilit ang maraming deboto na magtungo sa simbahan ng Quiapo.
