Hinimok ng Health Department ang mga Local Government Unit (LGU) na tulungan ang pamahalaan na maabot ang target na 90 milyong Pilipino na mabakunahan bago matapos ang termino ni Pangulong Rodrigo Duterte.
Sinabi ni health secretary Francisco Duque III na malaki ang papel ng LGU para mabakunahan ang mayorya ng mga Pilipino.
Bukod dito, malaking hamon umano sa mga LGU na hikayatin na magpabakuna na ang kanilang mga residente na nasa A2 category o mga Senior Citizen kaya’t dapat magsagawa ng house-to-house vaccination.
Samantala, ipinabatid naman ni National Task Force o NTF for COVID-19 deputy chief implementer Vince Dizon sa publiko na magdoble-ingat pa rin kahit na bumababa ang kaso ng COVID-19 sa bansa.
