Mamamahagi ang Department of Health ng COVID-19 Home Care Kits sa mga pamilya at indibidwal na kabilang sa vulnerable sector na sumasailalim sa home isolation o quarantine.
Ayon kay Health Undersecretary Maria Rosario Vergeire, nakapaloob sa DOH “Kalinga” Kits ang isang banig ng paracetamol, isang banig ng Vitamin C, isang banig ng carbocisteine, dalawang packs ng facemasks dalawang bar ng sabon, isang Alcogel, isang disinfection spray at isang tips sheet.
Tiniyak naman ni Vergeire na patuloy nilang i a-upgrade ang Kalinga Kits sa pakikipagtulungan ng kanilang donors at private sector partners.
