Magkakaloob ang Department of Health ng libreng routine at catch-up immunization para sa mga sanggol simula Hunyo a-30 hanggang Hulyo a-1.
Ayon kay Health Undersecretary Maria Rosario Vergeire, kabilang sa mga bakunang maaaring ibigay ang BCG Vaccine, Hepatitis B, Penatavalent, Oral Polio, Inactivated Polio, Pneumococcal Conjugate at Measles-Mumps-Rubella.
Sinabi pa ng opisyal na kahit ito na ang huling buwan na mayroong Chikiting Vaccination Days, hindi naman aniya magtatapos ang kanilang routine vaccination campaigns.
Pinaalalahanan rin ni Vergeire ang publiko na manananatiling available ang mga bakuna sa mga health center.
