Nakikipag-ugnayan na ang Department Of Health (DOH) sa bagong talagang vaccine Czar na si Secretary Carlito Galvez Jr.
Ito ay upang matiyak ang maayos na paglulunsad at distribusyon ng bakuna kontra COVID-19 sa buong bansa, oras na maging available na ito.
Ayon kay Health Undersecretary Maria Rosario Vergeire, mananatili at wala ring magiging pagbabago sa regulatory process ng pamahalaan sa pagkuha o pagbili ng bakuna kontra COVID-19.
Sa halip aniya ay mas magiging madali at mabilis pa ito sa tulong ni Galvez.
