Tumulak pa-Iloilo ang isang team mula sa Department of Health (DOH) kasunod nang naitalang bagong kaso ng zika virus.
Una nang kinumpirma ni Health Undersecretary Eric Tayag ang apat na dagdag na kaso ng zika virus mula sa Iloilo.
Sinabi ni Tayag na pag-uusapan nila kasama ang Iloilo City Government, City Health Office at DOH Region 6 ang mga hakbangin para puksain ang lamok na nagdadala ng zika virus at tuluyang masugpo ito at hindi na kumalat pa sa mga kalapit na lugar.
Ipinabatid naman ni Iloilo City Mayor Jed Patrick Mabilog na nagmula sa mga lugar ng Moto at Arevalo ang mga bagong kaso ng zika virus.
By Judith Larino
