Inatasan ni Justice Secretary Vitaliano Aguirre si Immigration Commissioner Jaime Morente na isoli ang 20 Milyong Pisong sinasabing bahagi ng bribe o extortion money na galing sa kampo ng kontrobersyal na online gambling operator na si Jack Lam.
Kasunod ito ng pag-amin ni Morente na inatasan niya si dating Acting Immigration Intelligence Chief Charles Calima na magsagawa ng Counter Intelligence Operation kina dating Immigration Deputy Commissioners Al Argosino at Michael Robles.
Sa memorandum ni Aguirre, pinate-turn-over nito ang 20-Million Pesos sa loob ng 24 oras sa DOJ o NBI na siyang nagsasagawa ng imbestigasyon sa insidente.
Ito ay para umano mapreserba ang ebidensya ng diumano’y extortion o insidente ng pangingikil na kinasasangkutan ng dalawang dating deputy commissioner.
By: Avee Devierte / Bert Mozo
