Itinalaga na ng Department of Justice ang mga piskal at miyembro ng NBI na magsasagawa ng hiwalay na imbestigasyon sa nangyaring pagsabog sa Davao City noong Setyembre a-Dos.
Batay sa Department Order Number 585 na pirmado ni Justice Secretary Vitaliano Aguirre, inaatasan ng kalihim ang mga piling tauhan nito na makipag-ugnayan sa iba pang law enforcement agencies ng pamahalaan na nag-iimbestiga sa Davao Bombing.
Pinagsusumite ng kalihim ng periodic report kay Justice Undersecretary Antonio Kho Jr. Sina Regional State Prosecutor Janet Grace Fabrero ng Region 11, Davao City Prosecutor Nestor Ledesma, at NBI Southern Mindanao Director Atty. Arnold Rosales.
Sinabi ni Aguirre na layon nito na makakalap ng mga ebidensya sa nangyaring pagsabog at mapanagot ang mga may sala sa krimen.
By: Meann Tanbio / (Reporter No. 3) Bert Mozo
