Nagbabala ang Department Of Labor and Employment (DOLE) sa publiko laban sa mga Facebook page na nag-aalok ng mga pera at pekeng trabaho.
Ayon sa DOLE, marami ngayon sa social media ang nanghihikayat na sumali sa kanilang kumpanya na nagbibigay ng trabaho sa pamamagitan ng voluntary o commission basis.
Ilan umano sa mga trabahong inaalok ay executives, managers at graphic artists.
Ngunit hindi umano nagbabayad ang kumpanya ng tama sa mga tauhan nito.
Dahil dito, payo ng DOLE sa publiko, berepikahin muna ang registration ng mga kumpanyang nakapangalan sa Facebook page bago makipag transaksyon o magbigay ng mahahalagang impormasyon.
