Tiniyak ng DOLE o Department of Labor and Employment na tutulungan nila ang mga manggagawang maapektuhan ng Department Order na nagsasa-ayos sa isyu ng kontraktwalisasyon.
Ayon kay Labor Undersecretary Dominador Say, may inilaan nang pondo ang kanilang ahensya para sa pagsasanay ng mga manggagawa upang mapataas ang tiyansa nilang makahanap ng trabaho.
Sinabi ni Say na pagkakalooban nila ng allowance ang mga manggagawa na sasalang sa training sa loob ng tatlong buwan.
Inaasahan ng DOLE ang paglobo ng mga mawawalan ng trabaho sa sandaling hindi na ma-renew ang kanilang kontrata dahil sa pinahigpit na pagpapatupad ng batas kontra kontraktuwalisasyon.
By Len Aguirre
