Nakahanda ang DOT o Department of Tourism na suportahan ang posibleng rematch sa pagitan nina Fighting Senator Manny Pacquiao at Jeff Horn ng Australia.
Sa panayam ng DWIZ, binigyang diin ni Tourism Assistant Secretary Frederick Alegre na tatlong beses nang nakipagpulong ang kampo ni Pacquiao sa mga opisyal ng DOT para maikasa ang nabanggit na laban sa Pilipinas.
Sinabi ni Alegre na hindi nila puwedeng tanggihan ito dahil para rin naman ito sa ikagaganda ng turismo ng bansa.
Katunayan, sinabi ni Alegre na ‘Homecoming II’ aniya ang titulo ng boxing card na pagbibidahan nina Pacquiao at Horn.
Ayon kay Alegre, plano ng kampo ni Pacquiao na kumuha ng magagaling na Asian fighters na ipapasok sa undercard ngunit tanging si Top Rank Boss Bob Arum na ang tumututol dito.
Siguro, at this point, umaapela kami, kasama na ang taumbayan, we are appealing to Mr. Arum na give Manny [Pacquiao] a chance.
Give the loyal, millions, followers of [the] Pambansang Kamao a chance to see him fight in the Philippines.
