Suportado ng Department of Transportation (DOTr) ang kampaniya ng Anti-Red Tape Authority (ARTA) kontra fixer.
Ito ang tiniyak ni DOTR Undersecretary for Legal Affairs Atty. Reinier Paul Yebra kay ARTA Secretary General Atty. Jeremiah Belgica.
Una rito, hiniling ni Belgica sa DOTR ang kanilang pakikiisa sa kampaniya ng ARTA laban sa mga fixer bilang bahagi ng paglilinis sa pamahalaan kontra katiwalian.
Magugunitang siyam na fixer ang naaresto ng mga awtoridad sa labas ng iba’t-ibang sangay ng LTO sa buong bansa mula Mayo hanggang Hunyo ng taong kasalukuyan.
