Plano ng Department of Transportation (DOTr) na unti-unting taasan ng 5% hanggang 10% ang passenger capacity sa mga pampublikong sasakyan.
Ayon kay Transportation Secretary Arthur Tugade, inumpisahan nang planuhin ng ahensya ang pagdadagdag ng passenger capacity bunsod ng pabago-bagong quarantine classifications.
Sinabi pa ni Tugade na handa na ang mga transportasyon na magdagdag ng kapasidad, ngunit nasa kamay ng Inter-Agency Task Force for the Management of Emerging Infectious Disease (IATF-EID) ang pinal na desisyon dito.
Sa ngayon, 50% ang pinapayagang kapasidad sa mga pampublikong sasakyan sa NCR plus. —sa panulat ni Hyacinth Ludivico
