Dinukot ng hinihinalang miyembro ng Abu Sayyaf ang isang enhinyero ng Department of Public Works and Highways o DPWH sa Jolo, Sulu, Miyerkules ng umaga.
Ayon kay Joint Task Force Sulu Commander Brigadier Gen. Cirilito Sobejana, papasok na sana ng trabaho si Engineer Enrico Nee nang pasukin ang bahay nito ng mga armadong kalalakihan sa Sitio Kasalamatan.
Dito tinangay si Nee gamit ang isang pulang Toyota Tamaraw bilang getaway vehicle.
Tinahak umano ng mga salarin ang direksyon patungong Barangay Anuliing sa bayan ng Patikul.
Tiniyak naman ni Sobejana na patuloy ang operasyon sa paghahanap sa dinukot na kawani ng DPWH.
—-
