Pinaiiwas ng Department of Public Works And Highways (DPWH) ang mga motorista sa ilang kalsada sa Quezon City ngayong weekend.
Ito’y dahil sa isasagawang pagkukumpuni ng kagawaran simula ngayong sabado hanggang bukas, araw ng linggo.
Kabilang sa mga isasarang kalsada ay ang unang lane mula sa sidewalk ng edsa southbound mula Fema Road hanggang sa harap ng Landers sa Balintawak.
Inner lane ng Payatas Road mula V.V. Soliven hanggang payatas bridge kaya’t maaaring dumaan sa batasan road ang mga apektadong motorista
Gayundin ang Tandang Sora Avenue mula baniat bridge hanggang constantino extension kaya’t maaaring dumaan sa Mindanao Avenue at Quirino Highway ang mga apektadong motorista.
Sa Lunes santo, Marso 29, bubuksan muli ang mga nabanggit na kalsada sa mga motorista.
